Langar bara að byrja á því að segja að ég var bara ekki nettengd þann tíma sem ég var fyrir norðan þannig að hef ekkert kíkt hingað inn né skrifað
En já við skötuhjúin fórum norður eftir vinnu á þriðjudeginum fyrir brúðkaup og vorum bara í afslappelse að ganga frá öllu fyrir brúðkaupið .. á miðvikudegi var eitthvað gert á Akureyri, kaupa inn svona smáatriði og þannig (eins og freyðivínið) .. á fimmtudegin var svo farið í bónus og verslað alveg fyrir rúmar 40 þús (minns var alveg andlaus við þetta) .. svo var auðvitað horft á Eurovision í faðmi Akureyrarfjölskyldunnar .. og já fyrr um daginn var komið sér fyrir í sumarbústaðnum við Ytri Vík .. geggjað lítill og kósí bústaður .. á föstudeginum var svo salurinn skreyttur og tilvonandi brúður fór í dekur með Ástu vinkonu .. geggjað gott !!! Svo á laugardeginum var kökunum hent saman með mikilli hjálp frá tilvonandi eiginmanni .. svo komu tengdó rétt fyrir hádegi og hún byrjaði á sínum kökum. Svo komu m&p frá Húsavík (með Völu í fararbroddi) og var þá farið á "æfingu" í Vallarkirkju .. þá fyrst varð ég spennt/stressuð .. fékk svona fiðrildi í magann og alles Eftir það var farið í salinn aftur og kökur og brauðréttir kláraðir og beðið eftir Huldu kransagerðarkonu til að setja saman kransakökuna fyrir mig (hvort fólk hafi ekki verið að treysta mér í þetta verkefni veit ég ekki ) .. en kakan var frábær hjá Huldu ! Jæja þá var komið að því að fara í bústaðinn ásamt fullt af fólki (nota bene ekkert allt of stór bústaður .. enda tilgangurinn ekki partýhald) og grillað og horft á Eurovision .. og ég sem var alveg viss að við mundum vinna þetta þetta árið
Eftir það fóru allir í sína kofa, og Gísli fór í Brattavelli og gisti þar og Vala mín gisti hjá mér í Gísla hollu
Jæja sunnudagurinn byrjaði bara rólega eins og hann var eiginlega allan daginn .. Við Vala bara nutum okkar og kjöftuðum og allt það, þangað til Berglind bættist í hópin til að greiða mér og farða .. þegar leið á makeuppið varð þetta hætt að vera minn dagur og þetta var algjörlega Völu dagur Svo fór mar bara að klæða sig og Vala mér innan handa til að passa að kjóllinn yrði á sínum stað! Rögnvaldur darling sér konur aldrei með sömu augum aftur held ég .. En já Röggi kom á sínum svaka bónaða bíl (sem sást ekki lengur þar sem það er malarvegur að sumarbústaðnum) og sá til þess að við Vala mundum mæta á réttum tíma í kirkjuna .. allaveganna Vala !!!
Jæja við mættum í kirkjuna svona 14:03 og þá fóru hjólin að snúast og fiðrildin komu aftur í magann. Pabbi sá til þess að ég strunsaði ekki inn kirkjugólfið (mamma hélt nú að það yrði öfugt), og já svo get ég bara ekki lýst tilfinningunni .. það að sjá Gísla bíða eftir mér við altarið var æði, og hann átti alveg erfitt með sig að missa ekki tár .. og að sjá í augum hans hvað honum fannst ég falleg fékk mig til að líða enn betur .. en já þessari upplifun er erfitt að koma í orð Athöfnin var svo falleg og söngurinn líka. Eins fullkomið og ég gaf ímyndað mér það
Jæja eftir athöfnina var farið út í skóg rétt hjá og myndir teknar af okkur HJÓNUNUM ! .. Börnin voru svo sem ekki mikið að vilja láta taka myndir af sér og barnapíurnar sem voru með í för algjörlega úti að aka .. Eftir frábæra stund í Hánefsstaðareit var "rúntað" í félagsheimilið þar sem veislan var. Þar beið okkar hrísgrjónakast og svo þessi frábæra veisla .. stjórnuð af frábærum veislustjórum .. sem þrátt fyrir að hafa einungis átt að segja gjörið svo vel þá voru þau með heljarinnar dagskrá .. sem því miður þau náðu ekki að sýna .. en ég bíð spennt eftir væntanlegu matarboði með þeim þar sem við fáum að sjá slideshow og fleira En já svo fóru gestir að drífa sig heim um hálf sex og þá einmitt hugsaði ég "vá erum við svona leiðinleg eða er fólk að fara strax" þá fékk ég að vita hvað klukkan var og omg hvað tíminn hafði liðið hratt !!! Eftir að hafa opnað pakkana fórum við í bústaðinn og áttum yndislega kvöldstund saman þar sem vinir okkar höfðu sett rósarblöð í heita pottinn og á rúmið, dreyft nammi um borðin og kveikt á kertum .. dísess þetta var allt svo rómó og æðislegt !
En já í alla staði æðislegur tími og frábært "frí" .. fórum svo til Húsavíkur og slöppuðum af þar í tvo daga .. svo á fimmtudaginn var lagt af stað suður, þegar komið var inn á Akureyri fréttum við af þessum gígantíska jarðskjálfta sem reið yfir Selfossina og biðum við því spennt yfir því að komast heim og sjá hvernig húsið okkar hafi lifað af .. okkur til mikillar hamingju datt ein stytta sem missti hausinn og er búið að líma hausinn á Við sögðum fólki að húsið hafði orðið eins og eftir sprengjuárás EFTIR að við komum heim Enda erum við búin að vera í 3 daga að taka til .. eða svona eins og hægt er

Svona í endann langar mig að þakka öllum sem komu á norðurlandið til að fagna þessum degi með okkur .. fyrir okkur var dagurinn fullkominn og yndislegt að fólk sá sér fært að koma og eyða deginum með okkur !

Sælir allir,
þá er hinn stóri laugardagur búinn og ég búin að brjóta 72 egg og skilja að hvítu og rauðu í 60 af þeim .. get sagt með mjög mikilli nákvæmni að ég er komin með ógeð að eggjum .. Þannig að botnarnir eru tilbúnir, og ég svona langt komin með það að pakka niður, á alveg eftir að pakka niður fyrir börnin .. hins vegar á Gísli eftir að taka allt jeppadótið sitt úr jeppanum svo ég geti farið að raða í bílinn
Svo fór ég út í garð í gær og skellti niður kartöflunum .. ekkert smá myndarleg .. á fullt af útsæði eftir, spurning hvort einhverjum vanti
Sem betur fer hef ég komið því þannig fyrir að ég fer ekki í Þjórsánna í dag né á morgun þannig að bara chill hjá mér! Fer í hádeginu á eftir að fá mér neglur *vá hvað ég verð mikil gella
Annars er bara lítið að frétta svo sem, jú gleymdi náttla aðal fréttinni, en glösin eru tilbúin !!! Vala mín græjaði þessi geggjuðu glös á laugardaginn, algjörlega dýrgripur að eiga að sú vinkona ! takk elskan. Og til að toppa allt þá áletraði hún líka kókglös
Mvh í bili .. knús og kram !

Andvarp !!
Jæja, þessa dagana spurja allir "hvernig gengur undirbúningurinn?" eða "stressuð fyrir brúðkaupið?" .. á þessum bæ er allt löngu tilbúið fyrir brúðkaupið en vá ég er nett stressuð yfir vinnunni .. ég er held ég orðin ein af þeim sem tek vinnuna með mér heim .. fékk bara taugaáfall inni í þvottahúsi áðan því ég þurft að gera svo mikið og að taka úr þvottavélinni var bara einum of mikið *roðn* ..

En já viti menn .. ég á vini .. Gulla mín kom á mánudaginn síðasta og vildi taka mig með sér í gróðrastöð í Hveragerði .. grunurinn var nú að það væri eitthvað annað bak við þetta .. en jú ég spilaði með .. svo var ekið framhjá Hveragerði og úps .. þá var bara tekin stefnan á gróðrastöð á Akranesi Þegar komið var í höfuðborgina, þá var stoppað á Gasstöðinni og ég fór á lettið. Þegar ég opnaði svo hurðin eftir að hafa þvegið hendurnar voru Sigrún, Hanna Sóley, Kristín mágkona, Margrét og Tinna Ösp höfðu bæst í hópinn. Ég var látin klæða mig í rosa sexý garðkonu-galla (æpandi leggins+ullasokka+gula sandala+appelsínugulan og gulan kjól af Kristínu (stuttur)+bleika gollu+svuntu og svo gula gúmmíhanska .. algjörlega tilbúin í garðinn .. sem var þemað! Jæja svo var mér skutlað í Blómaval, þar sem Eyja bættist í hópinn, og þar átt ég að lóðsa viðskiptavinina í frævali og fleiru. Byrjaði vel því eftir að hafa talað við manninn í alveg smá stund þá sagði hann "já ég vinn nú hérna" .. hehe úps .. svo bað kona um leiðina að Cypris .. minns sendi hana út vitlausu megin, ein kona spurði hvort við ættum ekki fleiri Helgu-kartöflu útsæði .. og svo í afskornu blómunum afgreiddi ég konu með glæsibrag .. Því næst var bundið fyrir augun á mér og mér skutlað um bæjinn og ég audda vissi alveg að við værum á leiðinni í Hfj og pottþétt að fara í Bláa lónið svo var ég látin labba hingað og þangað með bundið fyrir augun. Jæja svo kom á daginn að ég var við Tjörnina í Rvk. Þar átti ég að hræða burtu mávana .. svo var labbað í Kolaportið. Þar fékk ég 313 kr til að kaupa mér ný sundföt. Minns kaupti rosa fín sundföt og sundtösku fyrir 113 kr .. rosa ánægð konan þar í básnum .. sagði að það væri rosa gaman að fá svona "lekkert fólk í básinn til sín" .. og var alveg að meina það !
Heyrðu já svo smakkaði ég hákarl .. kom mér á óvart að hann var ekkert alveg ógeð ..
jæja svo var aftur bundið fyrir augun og ég keyrð eitthvert og látin labba eitthvert og svo átti ég að syngja fyrir gangandi vegfarendur .. og stelpurnar SKILDU MIG EFTIR !!!
Hérna vorum við svo staddar fyrir framan Laugar, og næst á dagskrá var að fara í Baðstofuna .. sem var rosalega notalegt og frábært ..
Því næst var farið út að borða á Carusso .. geggjað gott allt saman .. og dagurinn alveg frábær .. alveg ekta fyrir mig .. temmilegur skrípaleikur og frábær afslöppun .. vil ég þakka öllum sem tóku þá í þessu .. og þá líka Vala sem var í huganum frá Danmörku !

En já núna eru bara nokkrir dagar til að skipta um skoðun .. hehe ... þetta sagði tengdapabbi um síðustu helgi .. "það er enn tími"

Bið að heilsa öllum og hlakka rosa til að hitta ykkur ..
Mvh

SÆDL .. bara 17 dagar í herlegheitin ..
Svo sem er allt á góðu róli .. er að vísu svo hrikalega upptekin í vinnunni að það hálfa væri nóg .. þrátt fyrir það þá náðum við skötuhjúin að byrja á veigunum í gær ..
Svo eru bara svona smáatriði sem þarf að kippa í liðinn .. eins og .. hugs .. vá hvað ég get ekki hugsað núna ..
Hlakka til að heyra frá ykkur og better jet .. hlakka til að sjá alla !!!

Dagurinn í dag einkenndist bara af afslappelse og vá hvað það var tími til kominn. VIð skötuhjúin fórum til Rvk um 9-leytið í morgun og var stefnan tekin á Þjóðskrá að ná í vottorðin um hjúskaparstöðu .. sem fannst loksins eftir mikla leit! .. á því stendur að ég sé ógift og Gísli ókvæntur, frekar skondið að Þjóðskrá lifir enn í þeim hugsjónum að konur eru gefnar þó svo að kirkjan er búin að updatea sig og heitir þetta núna hjónavígsla en ekki brúðkaup og við erum spurð hvort við viljum ganga að eiga hinn aðilann .. en já svona er Ísland í dag
Því næst var brunað á fund Sr Jón Helga og rabbað við hann alveg í klukkara um "reglur" hjónabandsins, hvað við eigum að gera og hvað ekki. Aðallega vildi hann minna á að fólk tali saman  Þessi stund var rosalega notarleg, og var ég minnt á það að hlusta meira .. það er víst ástæða fyrir því að við erum með tvö eyru og einn munn
Athöfnin verður rosalega notaleg, fékk mínu framgengt að hafa 4 lög og svo er þetta bara hefðbundið. Eins og kom fram þá hefur Jón Helgi ekki haft það í sér að segja NEI við Ingunni
Annars er lítið að frétta héðan, grænmetisgarðurinn reddí fyrir hlýnandi veðri .. kartöflu"sæðin" í útspírun inni í þvottahúsi og grænmetið í forræktun í stofuglugganum .. vonum að þetta gangi allt up
Mvh IEG

Þá er helgin að verða búin .. mjög fín helgi þannig séð .. fékk alveg heilan frídag. Var í dag að vinna heima alveg allan daginn .. það er víst maður hérna sem tapar stórfé ef lóðablöðin hans eru ekki til í fyrradag

Dagurinn í gær einkenndist af garðvinnu aðallega hjá Gísla ég var bara að sitja og lúkka sæt eins og mér einni er lagið! Gísli minn var að smíða fyrir mig eins og tvo stykki grænmetiskassa .. kassarnir komnir á sinn stað í garðinn .. moldin var að renna í hlað svo nú er mér ekkert að vanbúnaði en að gerast grænmetisbóndi .. já sjáum til hvernig uppskeran verður !!

Jæja en svo hringdi mamma í mig áðan .. til þess að tilkynna mér (okkur) að þau væru búin að kaupa handa okkur brúðkaupsgjöfina .. fyrir valinu var garðhúsgögn á "nýja pallinn" [sem kemur með kalda vatninu] .. mamma sagði að núna gæti Gísli farið að smíða pallinn
Takk fyrir þetta :*

Knús og kram til allra .. ætla að fara að njóta þess að horfa á Gísla elda fyrir mig

Vá hvað það er eitthvað erfitt að fá svona einn frídag í "miðri" viku gerir mér bara allt of erfitt fyrir að vakna snemma daginn eftir .. En já miðvikudagurinn var skemmtilegur .. fór í Rvk á námskeið .. var rétt komin í hús þegar mér var sagt að námskeiðið fellur niður þar sem kennarinn er veikur .. jæja segi nú bara sem betur fer var ég líka að fara með tölvuna mína í "tékk" þannig að gat réttlætt ferðina ..
Fór svo til Berglindar í prufugreiðslu fyrir stóra daginn og díesess bara við það að setja í mig spennur fór ég í rosa stuð og hlakkaði geggjað fyrir the real deal .. en svo stuttu seinna var það rush farið .. En flott meðan þetta er !!!
Um miðjan dag var svo plan "gæsa Eyju" sett í motion .. þannig að ég og tvær aðrar vinkonur hennar náðum í hana í vinnuna í Borgó .. þar sem hún er í starfsnámi sem námsráðgjafi .. hún audda átti engan vegin von á þessu og bara "nei stelpur .. ekki" .. settur á hana bleikur blikkandi borði sem á stóð Bride to be .. og látin labba í gegnum skólann og út í bíl .. farið með hana í íþróttamiðstöðina við Lágafell (Mosó) og þar farið í nudd .. síðan beið hennar ísbjarnabúningur og rúta kom og náði í okkur og farið var á hestbak í Laxnesi .. já nettar harsperur eftir það, en hrikalega gaman (allt of langt síðan ég fór síðast á hestbak .. hint!!) .. jæja svo samlokur og hlöðustemming eftir það .. rútan svo skutlaði okkur í Varmá (Mosó) og chillað var í heitu pottunum og farið í vatnablak og smá sundkeppni tekin .. meðan var Eyja látin drekka það mikið að hún höndlaði það sem eftir koma .. því þegar upp úr var komið var búið að taka fötin hennar og sett í staðin Bridget Jones kanínubúningur .. sem hún svo fór í og var í það sem eftir var kvöldsins .. Limó náði í liðið og keyrði það niður á Cafe Reykjavík og þar var borðað dýrindis matur .. svo veit ég ekki meir
Næsta skref í brúðkaupsundirbúningnum er að við skötuhjúin erum að fara að hitta prestinn á þriðjudaginn og þá kemur í ljós hvort við fáum að giftast .. er það ekki tilgangurinn með þessum hittingi
En já er bara að bíða eftir þessum degi .. þannig séð .. hann kemur fyrr en mar heldur .. og já bíða eftir því að fá að fara að baka .. en þar sem þessi vél er svo velsmurð þá fann ég mér bara annað verkefni til að hella mér í svo ég þurfi ekki að sitja og bíða eftir brúðkaupinu .. þá yrði ég bara stressuð .. þannig að ég fór að plana garðinn minn, komin með pall og allt það (það er audda Gísla hlið=hann strax komin með verkefni í öðru stærra verkefni) og svo er það grænmetisGARÐURINN minn .. alveg brjálað skipulag í gangi þarna .. legg til að ég setji þetta bara upp í MindManager eins og brúðakaupsundirbúninginn .. já og læt Gísla setja þetta upp í MS Project .. þá erum við komin með tímamörk á þetta líka .. hehe ..
En jæja farin að gera eitthvað sem ég fæ borgað fyrir að gera
Vi snakkes .. [bara ef einhver er að reyna að ná í mig í gamla símanúmerið og ég svara ekki þá er ég líka með 843-4907]

Þá er komin ný vika og markmiðið að mæta meira í vinnuna þessa vikuna en þá síðustu .. en ég var heima alveg 3 daga .. sem er bara það leiðinlegasta sem mar getur gert ..
Sætakortin kláruðust um helgina .. þannig að þeir sem ekki hafa látið vita fá ekki sætakort .. hehe djók
Vil eindregið benda á brúðartertutopp nr 3 (http://www.b2.is/?sida=tengill&id=281795) .. væri ekta í Gísla brúðgumakaup !!!
En svo er það bara prufugreiðslan á morgun .. jibbí hlakka til
Svo er mar búin að panta sér sólartíma á Akureyri .. konan í símanum sagði að ég þyrfti að koma í prufutíma .. ég sagði henni að það yrði solldið erfitt .. þannig að hún ættlar bara að halda meira í hendina á mér en vanalega þegar ég á tíma og passa vel upp á mig .. nú í versta falli fer ég bara í sturtu strax á eftir .. ehehe .. en þetta er nú meira prógrammið .. þvo mér með kornamaska áður og bera á mig body lotion .. ég liggur við þurfti að taka glósur
Það væri nú gaman að frétta af því hvernig brúðarglösin mín hafa það þarna í Danaveldi .. ekkert stress svo sem ég get alveg drukkið kókið mitt úr venjulegu glasi
Hvernig er það svo .. á mar að ganga til skóna ? .. á mar að þvo öll undirfötin ?
Jæja best að halda áfram að gera ekki neitt .. Vi snakkes

Hej,
jæja ég hef nú verið veik undanfarna daga þannig að lítið hefur gerst í undirbúningnum .. en veistu hvað Röggi .. ég held það endi með að við förum saman þarna í sprautuklefann í Sunnuhlíðinni eins og talað var um .. ég labbaði inn um daginn inn á Sólbaðsstofu Suðurlands, rosa ánægð að frétta það að hún "gellan" sprautar brúnkunni persónulega á mig .. Ég sagði henni að ég væri að fara að gifta mig 25. maí og færi frá Selfossi þriðjudaginn 20. maí .. en já nei á sinni bjöguðu íslensku sagði hún "já þá þú koma hérna 23 maí" .. þá sagði ég "nei þá verð ég farin" .. þá kom "já ekki fara í þetta 5 eða 6 dagar fyrir þá bara eins og ekki hafi farið í neitt" .. "ég get 2 dagar eða kannski 3 dagar fyrir en ekki 5 eða 6 dagar fyrir" .. minns náttla ógó ánægð .. og hófst þá leit af þess háttar þjónustu á Akureyri .. og hver önnur en Kristín mágkona var fengin í verkið .. sem hún fljótt áframsendi á Þorgerði systur sína .. og viti menn 4 tímum seinna var ég bara komin með 3 stofur á Akureyri sem ég get haft samband við .. takk fyrir þess hjálp!!
En núna er ég að verða hrikalega stressuð þar sem það er bara rúmlega mánuður í herlegheitin .. jú þá meina ég að ég er að verða stressuð því ég er ekki stressuð .. er mest stressuð yfir allri þessari athygli sem ég á eftir að fá það vita það nú kannski ekki allir en ég er hrikalega feimin þegar það snýr að einhverju persónulegu og ef talað er við mig um persónuleg atriði þá bara skelf ég .. þannig að ganga inn kirkjugólfið og allir að horfa á mig (held ég) verður bara yfriþyrmandi .. hehe .. en held að það hafi einhver verið að segja það við mig um daginn að þó mar haldi að það sé þannig þá þegar stundin er runnin upp þá er þetta ekki það sem mar er að hugsa um .. man ekki alveg hver var að segja mér þessa visku .. kannski var mig bara að dreyma þetta ..
Jú það gerðist eitt í vikunni .. utan við brúnkutanið .. hey hey hey ví sei hó hó hó .. þá gaf Gísli mér í afmælisgjöf kökuhnífasett sem átti að nota til að skera brúðartertuna .. þannig að ég fór með spaðana yfir í Kalla úr á Austurveginum og lét grafa í þá .. kom alveg rosa vel út og kostaði skid og ingenting
Það virðist bara ætla að vera þannig að vinafólk okkar í Noregi ætlar ekki að láta okkur vita hvort þau ætla að koma eða ekki .. kannski á það bara að vera surprise .. og já hjónakornin Bjarni og Hrafnhildur á Völlum virðast heldur ekki ætla að láta okkur vita En miðað við stöðuna eins og hún er núna ætla að mæta 100 stykki slétt !!! .. sem gerir 77% mætingu .. sem ég er bara rosa ánægð og líka hissa á .. held að á brúðardeginum verði ég svo snortin yfir því að fólk sé að koma alla þessa leið til þess eins að sjá okkur giftast .. vona að fólk verði ekki fyrir vonbrigðum !
Jæja .. spennó garðaþáttur á BBC Prime .. ekkert að gera annað !!!
Mvh
IEG

já ps. með Hallgrím íþróttastjörnu .. hann var að keppa í langstökki og kúluvarpi á Grunnskólamóti Árborgar á þriðjudaginn og gekk bara mjög vel .. fékk meira að segja viðurkenningarpening !!!

Jæja við sluppum alveg við mótmæli í Reykjavíkur-ferð okkar í gær. Sem er gott !
Ég fór og náði í morgungjöfina hans Gísla - ógó flott - tékk !
Náði svo í áletraða kertið í Garðheimum - ógó flott líka (enda JARÐgrænt!!!) - tékk
Fórum svo í Tvö hjörtu að máta hátíðarbúninginn á Hallgrím .. vá hvað hann er hrikalega flottur í svona sparifötum, svona míní útgáfa af hátíðarbúningi ..
Ég held að þema brúðkaupsins verði hátíðarföt .. það er að Gísli, Hallgrímur, pabbi og tengdapabbi ætla sér að vera í hátíðarbúningnum og svo mamma og tengdamamma í íslenska hátíðarbúningnum fyrir konur líka (heitir þetta ekki kjólföt eða upphlutur .. allaveganna eins fyrir mér ) .. svo verðum við Jóhanna bara sætastar í svörtum leðurfötum .. hehe ..
En já ætla að stökkva yfir til Kalla úr og dobbla hann í að grafa í kökuhnífana fínu sem Gísli gaf mér í afmælisgjöf í fyrra ..
Mvh IEG

Góðan daginn,
jæja þá er frábær helgi búin. Farið var aðeins norður .. Gísli minn fór á eitthvað útskriftarafmæli þannig að við mæðgurnar vorum bara í góðu samlæti með vinum og ættingjum (og Hallgrímur hjá pabba og Völu á Blönduósi) .. aðallega Rögga samt .. við bara plöntuðum okkur þar í heimsókn allan laugardaginn og þegar Röggi hélt hann mundi ekki sjá okkur í langan tíma .. nei þá mættum við bara aftur á sunnudeginum að vísu með Gísla með okkur
Ég náði að panta brúðartertuna í þessari ferð .. ákveðið var að panta hana í Heimabakaraí .. audda hvað annað .. ég bara heillaðist svo að skreytingunum þeirra .. en innihald kökunnar verður svo bara að koma í ljós  
Já svo heimsótti ég söngkonuna í ferðinni .. og settum niður á blað hvað hún á að syngja .. þannig að það er borðlagt að það verða sungin 3 lög í kirkjunni .. hlakka bara til, ég á pottþétt eftir að hágráta og maskarinn út um allt .. ég meina þurfti nú ekki meira til en Páll Rósinkrans að syngja það var ást við fyrstu sýn í brúðkaupinu hjá Sigga bróðir í fyrra til að ég fór að hágráta .. og það var ekki einu sinni mitt brúðkaup !!!
Já svo er ég búin að fá stöðuga hönd á videokameruna - tékk !
Enn eiga örfáir eftir að láta vita hvort þeir geta mætt eða ekki - hint ! .. að vísu kannski ekkert að virka að koma með hint hérna .. þetta eru þannig einstaklingar að ég held þeir séu ekki með nettengingu
En já næsta mál á dagskrá er að halda upp á tveggja ára afmæli litlu prinsessunnar ..
Ég sendi hlýja strauma til allra minna þarna úti sem þurfa knús !!
vi snakkes ved ..
IEG

Jæja þetta las ég á www.lexi.is .. 

Það eru ALLIR búnir að fá uppí kok á þeim álagninum sem er á bensíninu, EN ENGINN GERIR NEITT Í ÞVÍ!

Þetta er lýðræði! Ekki einræði!

Þess vegna verða mótmæli fyrir utan ALÞINGIÐ KLUKKAN 16:00, 3 APRÍL!

Við erum öll búin að fá uppí kok á þessu verði, og það virðist sem að fólk lætur bara bjóða sér þetta! Ég er reiður! Þú ert reið/ur! Og við skulum sýna samstöðu og sýna þeim innan ríkistjórnarinnar að VIÐ ERUM REIÐ!

Sýnið samstöðu, auglýsið mótmælin, segið vinum ykkar frá, hengið plaggöt í skólunum ykkar! Gerið það sem þarf til að lækka þetta helvítis verð!

ÞETTA ER EKKI GRÍN! Ef þú rekur heimasíðu, hjálpaðu til við að auglýsa þessi mótmæli! Sýnum samtöðu! 

Jæja á svo ekki að mæta og kannski brjótast út úr þessum týpíska íslenska sið "æji ég nenni þessu ekki .. það gerir þetta einhver annar .. þetta þýðir ekkert" og allt það .. nei segi bara svona

En jæja þessi síða átti nú ekki að vera vettvangur svona umræðu þannig að vildi bara koma þessu fram á við

Er að fara til Rvk á mánudaginn .. er svona að velta fyrir mér að taka Hallgrím með og máta á hann outfit .. er búin að heyra af svo góðri þjónustu hjá Tvö hjörtu að ég þokkalega er farin þangað .. annars er ég nú bara ekki að gera neitt tengdu þessu brúðkaupi þessa dagana .. fæ því reglulega svitaköst "omg það eru bara 50 og eitthvað dagar þangað til" dæmi ..

En jæja best að halda áfram að lúkka bissí fyrir framan rachel ray .. bíðandi eftir því að þvottavélin verði búin
Ætti mar kannski að baka skúffuköku .. vi snakkes ved ..
IEG

Jæja .. jeg varð bara að játa mig sigraða .. ok sumir vita hvað ég á ÓGÓ erfitt með að viðurkenna þetta .. en já ég greinilega er ekki svona first time the charme kransakökugerðarkona .. minns rosa spennt að prufa mig á þessu um páskana .. jújú fór í bakaríið og kaupti kransakökumassa .. btw Berglins sys var búin að hringja í mig gefa mér mjög góðar leiðbeiningar varðandi allt sem ég átti að gera .. ok aftur í söguna .. svo fór ég heim og henti græjinu í þessa æjilega fínu kitchen aid hrærivél sem ég á .. jú jú lúkkaði vel .. NOT !!! .. mitt fyrsta verk var að brjóta hnotgræjuna á flottu hrærivélinni minni ..

Jæja eftir að hafa komist að því að ný hnoðgræja kostar bara 3000 kr OG að ég átti að bíða þar til kransakökumassinn væri við stofuhita .. þá beið minns bara eftir því og notaði svo alvöru hrærigræjuna .. held að frú Jóna á Daðastöðum kalli það K stykkið .. allaveganna þá náði ég að hræra saman degið alveg eins og Berglind sys sagði mér .. svo beið það í einn dag í ísskáp og á föstudaginn langa .. sem átti að verða rosa skemmtilegur dagur .. fór minns í að rúlla þessu saman og alveg nett montin af sjálfri mér .. eins og með allt sem mér tekst vel með

Nei nei það var stutt mont .. því þegar þetta fór svo í ofninn .. sem btw Berglind sagði mér ekki með hitann .. þá fór allt út um allt, eins og deigið hafi verið of blautt eða með of miklum sykri, því þegar ákv hitastigi var náð í ofninum þá bara rann allt út um allt og allt fór í klessu .. eins og ég sagði við Berglindi þá var ljósi punkturinn í málinu að ég þurfti svo að þrífa ofninn

En já er sem sagt núna búin að panta tíma hjá Berglindi til að hjálpa mér með þetta .. þarf greinilega að læra þetta hjá professional fyrst

Annars eru páskarnir búnir að vera flottir .. búin að vera uppi í rúmi svona 75% af tímanum að horfa á eins og heila seríu af Lost, hálfa seríu af Men in trees, 1/4 úr Jericho seríu, fullt af þáttum úr How I meet your mother seríu .. held nokkrar bíómyndir og svo náttla það sem er í sjónvarpinu .. náði að troða mér í páskadagsmat hjá tengdó .. já og svo hugsa um veika veika VEIKA tilvonandi manninn minn ..

Þangað til næst .. IEG

ps. biðst innilega afsökunar á gæðum myndanna .. allaveganna þá kemur hún á skjáinn hjá mér sem í rosa lélegum gæðum .. veit ekki hvort það sé kannski bara hjá mér .. eins og er að gerast hjá Huld vinkonu .. en allaveganna þá eru betri myndir í myndaalbúminu bara ..

.. og enn ekki komin með staðfestingu frá öllum ..
Um suma hef ég bara heyrt frá mömmu og tengdamömmu .. það virðist vera oft þannig að fólk les ekki alveg boðskortið og sér þá ekki alveg að láta vita hvort þau mæta eða EKKI .. þetta er alveg skiljanlegt .. ég gerði þetta í fyrra með boðskortið frá Sigga og Kristínu og líka döhh fannst það svo sjálfsagt .. Kristín ekki ánægð með mig þá .. og svo lenti hún í því sama núna .. fyndið
En já afslöppunin heldur bara áfram .. svo sem ekkert aðkallandi að gerast .. þetta snýst allt um gott skipulag .. eins gott að ég panikki þá ekki síðustu vikuna fyrir brúðkaupið fyrst ég er búin að vera með svona yfirlýsingar ..
Það er búið að tala við organistann þannig að tékk þar !
Neglurnar .. já er búin að finna konu sem gerir þetta heimahjá sér hérna á Selfossi og á að vera billig .. hjúkk
Við mæðgur erum annars bara heimafyrir núna .. JSG er með hita og hósta og hor .. rosa spennó .. en þangað til næst ..
Mvh
IEG og JSG [sem er að raða post-it miðunum á skrifborðið, og þá meina ég taka alla í sundur] ..

Jæja .. verkefnalistinn einhvern vegin styttist ekki .. alveg sama hvað mar gerir mikið .. vá þetta er svo gaman eitthvað .. ég alvarlega þarf að taka að mér svona verkefni bara ..
Frá síðasta verkefnalista, þá hefur orðin eftirfarandi breyting:
Föt á Gísla - tékk
Föt á Hallgrím - úps
Ákveða matseðilinn - tékk
Organisti - hef ekki hugmynd, tengdó með þetta á sinni könnu
Brúðarglösin - tékk, eða þannig .. búin að setja þetta yfir á Völu
Playlist í veisluna - GDS (þannig að ekki búast við miklu )
Krakkahornið - GDS og HÞ .. teamwork baby
Brúðarbíllinn - tékk
Biðja pabba að gefa mig - tékk (hann sagði "tjahh jú er það ekki", sagðist svo senda reikninginn )
Fá hjúskaparleyfi - úps
Penna fyrir gestabók - farin að hugsa það
Hreinsa hringa - neibbs

En já svo eru bara komin fleiri verkefni: Eins og ..
Panta brúðarkökuna
Dobbla einhvern til að sjá um að koma brúðarkökunni á sinn stað
Skyrta/bolur á JSG - einhverjar hugmyndir !!!
Ilmurinn - allt í einu er það orðið rosa issjú ..
Gelneglur - omg verðið á þessu ..
Kampavínið .. spurning að senda einhvern með viti í það .. ég mundi enda með eitthvað epla síder .. bara því ég vissi ekki betur
Klára sætakortin - þegar þau sem eftir eru láta vita (*hint*) .. og þar með síðustu 5% af skreytingunum ..
Og svo held ég að það sé bara að chilla þar til ég get byrjað að baka .. ætla mér smá tilraunastarfsemi í kransakökunni .. en ekki örvænta er með Berglindi sys til halds og trausts ef allt fer úrskeiðis

En já til að undirstrika hvað ég er skipulögð, þá var ég á MindManager námskeiði í gær (skipulagsforrit) og er bara búin að henda upp risa skjali fyrir skipulagsferli brúðkaupsins .. allt rosa á plani og er bara ógó montin .. en já mér skilst svo að það sé hægt að setja þessi hugkort inn á vefsíður þannig að það er næsta mál á dagskrá .. stórefa samt að það sé eitthvað sem ég næ að gera .. er engin tölvudúddi

Og halló Gulla - fresta afmælinu og slúffa óvissuferð !!!

Þar til næst .. IEG